சாய் பல்லவி அசத்திய நடனம் – பின்னணி என்ன?

slider சினிமா
sai pallavi – சாய் பல்லவி

நடிகை சாய் பல்லவி தமிழ், தெலுங்கு, மலையாளம் படங்களில் அதிகம் விரும்பும் ஒருவராக வலம் வருகிறார். இவர் தமிழ்ல் நடித்த  ‘மாரி- 2’ படத்தில் இடம்பெற்ற  ‘ரவுடி பேபி…’ பாடல் இப்போது வரை சமூக மீடியாவில் வைரலாகிக் கொண்டிருக்கிறது.

 

சமீபத்தில் சாய்பல்லவி பத்திரிகையாளர்களைச் சந்தித்துப் பேசியபோது, “மனிதனுக்கு அழகை கொடுப்பது தன்னம்பிக்கை. எனக்கு அது நிறைய இருக்கிறது. முதல் படத்திலேயே ரசிகர்கள் மத்தியில் பிரபலமாகி விட்டேன். ஒவ்வொரு படத்தில் நடிக்கும்போதும் எனது கதாபாத்திரங்கள் ரசிகர்கள் மனதை எப்படி கொள்ளையடிக்கும் என்றுதான் யோசிப்பேன். படத்தில் நடித்து திரைக்கு வந்த பிறகு வெற்றி பெற்றதா? அல்லது தோல்வி அடைந்ததா? என்று சிந்தித்துக் கொண்டு இருக்க மாட்டேன். படங்களில் நடிக்கும் முன்பு கதாபாத்திரங்கள் ரசிகர்களுக்கு பிடிக்குமா? பிடிக்காதா என்று ஆலோசிப்பேன். நடிக்க ஆரம்பித்த பிறகு மானசீகமான உறவை கதாபாத்திரங்களோடு ஏற்படுத்தி கொள்வேன். அதுதான் எனது நடிப்பை பிரமாதமாக மாற்றி விடுகிறது.

 

இயக்குநர் கதை சொல்லும்போதே நான் அந்த படத்தில் இருக்கிறேனா? இல்லையா? என்பது புரிந்துவிடும். இயக்குநர் சொல்லும் கதை, கதாபாத்திரம் எனக்கு பிடித்து இருந்தால் போதும் உடனே சம்மதித்து விடுவேன். மறு கணத்தில் இருந்தே அந்த கதாபாத்திரத்தை நேசித்து அவற்றோடு ஒன்றிவிடுவேன். படப்பிடிப்பு முடியும்வரை அந்த கதாபாத்திரத்தோடு பயணம் செய்து கொண்டு இருப்பேன். அதனால்தான் இயல்பாக நடிப்பதாக என்னை பாராட்டுகிறார்கள்” என்று பேட்டியில் சொல்லியுள்ளார்.

அந்த   ‘ரவுடி பேபி’ பாடலில் சாய் பல்லவி ஆடிய நடனத்தின் மகிமைக்கு என்ன பின்னணி என்று இப்போது ரசிகர்களுக்கு நல்லாவே விளங்கும்!

 

Leave a Reply

Your email address will not be published. Required fields are marked *