மார்பகப் புற்றுநோய் திருமணம் ஆகாத பெண்களையும் தாக்கலாம்! Reviewed by Momizat on . மார்பகப் புற்றுநோய் திருமணம் ஆகாத பெண்களையும் தாக்கலாம்! பாலமுருகன் இது 21ம் நூற்றாண்டு. எல்லாவற்றிற்கும் விடை சொல்லி வருகிற மருத்துவ அறிவியல் காலம். ஆனால், இன் மார்பகப் புற்றுநோய் திருமணம் ஆகாத பெண்களையும் தாக்கலாம்! பாலமுருகன் இது 21ம் நூற்றாண்டு. எல்லாவற்றிற்கும் விடை சொல்லி வருகிற மருத்துவ அறிவியல் காலம். ஆனால், இன் Rating: 0
You Are Here: Home » மருத்துவம் » மார்பகப் புற்றுநோய் திருமணம் ஆகாத பெண்களையும் தாக்கலாம்!

மார்பகப் புற்றுநோய் திருமணம் ஆகாத பெண்களையும் தாக்கலாம்!

மார்பகப் புற்றுநோய் திருமணம் ஆகாத பெண்களையும் தாக்கலாம்!

மார்பகப் புற்றுநோய் திருமணம் ஆகாத பெண்களையும் தாக்கலாம்!

பாலமுருகன்

இது 21ம் நூற்றாண்டு. எல்லாவற்றிற்கும் விடை சொல்லி வருகிற மருத்துவ அறிவியல் காலம். ஆனால், இன்னமும் அடித்தட்டு மக்களிடமும், கிராமத்து மக்களிடமும் சிலவகை அறியாமை இருக்கத்தான் செய்கிறது. ஊடகங்கள் என்னதான் சொல்லிவந்தாலும், அவற்றை காதில் வாங்கிக் கொள்ளாமல், எல்லாவற்றிற்கும் அவர்களாகவே தீர்வு சொல்லித் திரிகிற மக்கள் கூட்டம் இருக்கத்தான் செய்கிறது.

causes-of-breast-cancer

causes-of-breast-cancer

dr saravanan periyasami

dr saravanan periyasami

பெண்கள் தினத்தைக் கொண்டாடும் மார்ச் மாதத்தில், போதிய கல்வி அறிவு இல்லாமல், வெள்ளந்தியாய் கிராமங்களில் வசித்து வரும் பெண்களும் நிறைய இருக்கிறார்கள். அவர்களில் ஒருவரை அண்மையில் சந்திக்க நேர்ந்தது. வயது 29. இரண்டு குழந்தைகளுக்குத் தாய். சோகம், அறியாமையின் மொத்த உருவமாக அவரது கணவர் அருகில் நிற்கிறார். அரை மணி நேர உரையாடலில் அவர்களது வாழ்வு பற்றி நிறைய உணர முடிந்தது. விஷயம் இதுதான், அந்தப் பெண்ணுக்கு மார்பகப் புற்றுநோய். சிகிச்சைக்காக சென்னைக்கு வந்து, வலது பக்க மார்பு அகற்றப்பட்ட நிலையில், மேற்கொண்டு சிகிச்சையைத் தொடர்ந்து கொண்டிருக்கிறார்கள்.
பெண்களை எளிதாகத் தாக்கும் நோய்களில் ஒன்றாக மார்பகப் புற்றுநோய் இன்று வெகு வேகமாகப் பரவி வருவதை, படித்த பெண்கள்கூட அறியாதிருக்கிறார்கள். ‘‘இவருக்கு வரும், இவருக்கு வராது” என்கிற எந்தவிதப் பாகுபாடும் இல்லாத நோய் புற்றுநோய். குறிப்பாக, “மார்பகப் புற்றுநோய் பற்றிய விழிப்புணர்வை அடிக்கடி பெண்களிடம் கொண்டு போய்ச் சேர்ப்பது ஊடகங்களின் கையில்தான் இருக்கிறது. இந் நோய் பற்றிய நினைவூட்டலை செய்துகொண்டே இருப்பது ஊடகங்களின் கடமையும்கூட’’ என்கிறார் புற்றுநோய் மருத்துவர் டாக்டர் சரவணன் பெரியசாமி. மார்பகப் புற்றுநோய் குறித்த பல சந்தேகங்களோடு டாக்டர் சரவணன் பெரியசாமியிடம் மேலும் பேசினோம்.
மார்பக புற்று நோய்?
மார்பகத்தில் உள்ள சில அனுக்கள் அளவுக்கதிகமாக வளர்வதே மார்பகப் புற்றுநோய். புற்று அனுக்கள் மற்ற அனுக்களைக் காட்டிலும் பல வகைகளில் வேறுபட்டிருக்கும். அவை வேகமாகப் பிரிந்து வளர்ந்து சுற்றிலுமுள்ள திசுக்களையும் ஆக்கிரமிக்கும்.
அறிகுறிகள் எப்படித் தென்படும். வலி இருக்குமா?
துவக்க நிலை மார்பக புற்றுநோய் சாதாரணமாக வலியை உண்டாக்காது. மார்பக புற்றுநோய் வளரத் தொடங்கும் போது எந்தவித அடையாளமும் அறிகுறியும் இருக்காது. புற்றுநோய் வளர வளர கீழ்க்கண்ட அறிகுறிகள் ஏற்படும்.
1, வீக்கம் அல்லது மார்பகம் அல்லது அக்குள் பகுதி தடிக்கும். 2. மார்பகத்தின் அளவும் வடிவும் மாறுபடும். 3. சுரப்புக் காம்பிலிருந்து இரத்தமோ வேறு திரவமோ கசியும். 4. மார்பகத்தின் தோல், கருப்பு வளையம், காம்பு முதலியவற்றின் வண்ணம் மாறும். (குழிவிழுதல், மடிப்பு விழுதல், சொரசொரத்தல்). 5. சமீப காலமாக காம்பு உள்ளிழுத்துக் கொள்ளும். இந்த அறிகுறிகளில் ஏதேனும் பெண்கள் உணர்ந்தால் உடனடியாக மருத்துவரை அணுகுவது நல்லது.
மம்மோ கிராம் என்கிறார்கள். இந்தச் சோதனை எதற்காக?
மார்கப் புற்றுநோய் இருக்கிறதா, இல்லையா என்கிற சந்தேகத்தை உறுதிசெய்யும் சோதனை முறையே மம்மோகிராம். தட்டு போன்ற கருவியால் மார்பகத்தைத் தட்டையாக அழுத்தி மார்பகத்தின் தெள்ளிய வடிவத்தை அறிய முயலப்படும். இதன்மூலம் மார்பகக் கட்டியின் முக்கிய விவரங்களை மம்மோகிராம் மருத்துவருக்கு அளிக்கும். மேலும், அதிர்வுடன் கூடிய ஒலியலைகளை மார்பகத்தின் மீது செலுத்தி மார்பகத்தின் கட்டி, கெட்டியாக (திடமாக) உள்ளதா அல்லது திரவம் நிறைந்துள்ளதா என்று கண்டறியலாம். மம்மோ கிராபியுடனும் இந்தப் பரிசீலனையைச் செய்யலாம். இதுதவிர நீடில் பயோப்சிஎன்கிற முறையிலும் இது கண்டறியப்படுகிறது.
மார்பகப் புற்று நோயில் பல வகைகள் இருக்கிறதாமே?
பல வகைகள் உண்டு. அவற்றை மிக விரிவாக இங்கே சொல்லமுடியாது என்றாலும், கூடுமானவரை விளக்குகிறேன்.
1. நாளப்புற்று நோய்
இது மிகச் சாதாரணமாக வரும் மார்பகப் புற்றுநோய் வகையாகும். நாளங்கள் தடிப்பதின் வழி இது துவங்கும்.
2. மடிப்பு சதை புற்றுநோய்
இது மார்பகத்தின் மடிப்புச் சதைகளில் உண்டாகும்.
3. முற்றிலும் பரவிய புற்றுநோய்
மார்பகத்தின் வெளிப்பகுதியில் புற்றுநோய் முற்றிலும் பரவிய பின்னர் புற்றுநோய் அணுக்கள் அக்குளின் கீழேயுள்ள லிம்ப் நோட்களில் அதிகமாகப் பரவும். எப்போது இத்தகைய முடிச்சுகளில் புற்று நோய் பரவுகிறதோ, புற்றுநோய் அணுக்கள் உடலின் மற்ற எல்லா பாகங்களிலும், மற்ற எல்லா லிம்ப் நோட்களிலும், எலும்பு, ஈரல், நுரையீரல் முதலிய அங்கங்களிலும் ஏற்கனவே பரவி விட்டது என்பதை அறியலாம்.
இதில் ஒன்று, இரண்டு, மூன்று என பல நிலைகள் என்கிறார்களே? எந்த நிலையில் இதற்கான சிகிச்சையைத் தொடங்குதல் நலம் பயக்கும்?
முதல் நிலை என்றால் புற்று நோய் அணுக்கள் இன்னும் மார்பகத்தைத் தவிர வேறெங்கும் பரவில்லை என்றும், கட்டியின் சுற்றளவு 2,5 செ,மீட்டரைக் காட்டிலும் அதிகமில்லை என்று பொருள். இரண்டாம் நிலை அக்குளின் கீழேயுள்ள லிம்ப் நோட்களில் புற்று நோய் பரவி விட்டது என்றும் மார்பகக் கட்டியின் சற்றளவு 2.5 செ.மீட்டரைக் கடந்து விட்டது என்றும் பொருள்.
மூன்றாம் நிலையை முதிர்ந்த புற்றுநோய் என்பார்கள். மார்பகக் கட்டியின் சுற்றளவு 5 செ.மீட்டரை கடந்து விட்டது என்றும் மார்பகச் சுவர் அல்லது மேல் தோலில் பரவிவிட்டுள்ளது என்றும் பொருள். இந்நிலையில் அக்குளின் கீழே உள்ள லிம்ப் நோட்களில் புற்றுநோய் அணுக்கள் முற்றிலும் பரவி விடும். நான்காம் நிலை முற்றிலும் பரவி விட்ட புற்றுநோயாகும். புற்றுநோய் மார்பகத்திலிருந்து உடலின் மற்ற பாகங்களான நுரையீரல், ஈரல், மூளை, எலும்புகள் மற்ற எல்லா லிம்ப் நோட்கள் அனைத்திலும் பரவி விட்டது என்று பொருள்.
ஒருமுறை சிகிச்சை எடுத்து குணம் அடைந்தவர்களுக்கு மீண்டும் புற்று நோய் வரக்கூடிய சாத்தியம் உண்டா?
மார்பகத்தில் உள்ள கட்டி முற்றிலும் அறுத்து அகற்றப் பட்ட பின்னரும் அல்லது அழிக்கப் பட்ட பின்னரும் சில நேரங்களில் கண்டு பிடிக்க முடியாத சில சிறு புற்றுநோயணுக்கள் மருத்துவத்திற்குப் பின்னரும் உடலில் விடுபட்டு இருந்தால் அல்லது மருத்துவத்திற்கு முன்னரே புற்றுநோய் பரவி விட்டிருந்தால் புற்றுநோய் மீண்டும் வரும்.
எம் மாதிரியான சிகிச்சை முறைகள் செய்யப்படுகிறது?
கட்டியின் அளவு, இருப்பிடம், பரிசோதனையின் முடிவுகள், நோய் உள்ள நிலை அல்லது அளவு இவற்றைப் பொறுத்து மார்பகப் புற்று நோய்க்கான மருத்துவம் நடைபெறும். ஒரு குறிப்பிட்ட பகுதியில் உள்ள புற்றுநோய் அணுக்களை நீக்கவோ, அழிக்கவோ, கட்டுபடுத்தவோ மருத்துவர் முடிவு எடுப்பார். அறுவை சிகிச்சை, கீமோ தெரபி எனும் மருத்துவம், அதிரொலி பாய்ச்ச மருத்துவங்கள் இந்த வகை மருத்துவத்துக்குட்பட்ட மருத்துவமாகும்.
ரேடியேஷன் தெரபி என்கிறார்களே? அது எதற்காக?
ரேடியேஷன் தெரபியில் (இதை ரேடியோ தெரபி என்றும் கூறுவார்கள்) புற்றுநோய் அணுக்களை அழித்து அவை மேலும் வளராமல் தடுப்பதற்கு ஆற்றல் வாய்ந்த எக்ஸ்-ரேக்களைப் பயன் படுத்துவார்கள். இந்தக் கதிர்கள் சாதாரணமாக வெளியிலுள்ள ரேடியோ பொருட்களிலிருந்து வெளிவந்து இயந்திரத்தின் உதவியால் மார்பகத்தை நோக்கிப் பாய்ச்சப் படுவதால் வெளிபுற கதிர்வீச்சு  என்று கூறப்படும்.
அறுவை சிகிச்சை முடிந்தவர்களுக்கு கீமோ தெரபி கொடுப்பது அவசியமா?
நிச்சயமாக! புற்று அணுக்களை அழிக்க மருந்துகளைப் பயன்படுத்துவது இம்முறை மருத்துவமாகும். இது வழக்கமாக மருந்துகளின் கலவையாகும். ஊசியின் மூலமாக இது தரப்படும். கீமோ தெரபி உடலமைப்பு முழுதும் சார்ந்த மருத்துவ முறை. ஏனென்றால், தரப்படும் மருந்துகள் இரத்த ஓட்டத்தில் கலந்து உடல் முழுதும் பயணம் செய்யும். இது சுழற்சியாக தரப்படும். அதாவது மருத்துவ காலம், தேறும் காலம் மீண்டும் மருத்துவ காலம் என்று விட்டு விட்டு ஒன்றன்பின் ஒன்றாக நடைபெறும். புற்றுநோய் அணுக்கள் மேலும் பரவாமல் தடுக்க கீமோ தெரபி அவசியமாகப்படுகிறது.
திருமணம் முடிந்தவர்களுக்கு மட்டுமே மார்பகப் புற்றுநோய் வருமா?
எனது அனுபவத்தில் திருமணம் முடியாதவர்களுக்கும் வந்திருக்கிறது. எனவே, திருமணம் ஆகாத பெண்களையும் தாக்கலாம்! பெண்கள்தான் இதில் முன்னெச்சரிக்கையாக இருக்கவேண்டும். மார்பகங்களை சுய பரிசோதனை செய்தே புற்றுநோய்க் கட்டி இருக்கிறதா என்பதை ஆரம்பத்திலேயே கண்டறிந்துவிடலாம். நோயின் தாக்கம் அறிந்து முதலிலேயே மருத்துவரை நாடி வந்துவிட்டால், முற்றிலுமாக குணப்படுத்திவிடலாம்.
புற்றுநோயால் மார்பகத்தை அறுவை சிகிச்சை மூலம் நீக்கப்பட்ட ஒரு பெண், அதன் பின்னர் குழந்தை பெற்றுக்கொள்ளல் சாத்தியமா?
குழந்தைப் பேற்றுக்கும் மார்பக இழப்புக்கும் தொடர்பு இல்லை.

About The Author

Number of Entries : 48

Leave a Comment

© 2011 Powered By Wordpress, Goodnews Theme By Momizat Team

Scroll to top